***

Kjo është një këngë e pakënduar

Janë tinguj që s’u luajtën kurrë

Janë vargje ende të pashkruar

Me peshë malli që bren dhe gurë.

Janë njëmijë nota lidhur përdore

Njëmijë netë që prekin ëndrra.

Një zemër ngrirë në kristal bore

Një kupë pa pirë me shpresa brenda

Është një tufë lule e padhuruar

Këputur shekujsh në eden

Një copëz shpirti e harruar

Në një fjalë të vetme mbi pregamenë

Njëmijë momente pajetuar

Braktisur ndoshta ashtu shkujdesur

Si libra ende palexuar

Nga pluhur’i kohës të përvesur.

Janë njëmijë rrugë për t’u arritur

Njëmijë drejtime për t’u ndjekur

Një fllad i lehtë mbi dorën tënde

Që vjen të puth e bie i vdekur…

ⒸLeonard Seiti Wednesday Morning 3Am