***

 

Mu kujtuan kohët e vjetra
Ato që s’kthehen më.
Shkruar ditët nëpër letra
Djegur një nga një.
 
Nëpër ëndrra shkruar netët
Ëndrrat janë zhgënim
Janë vrimë e zezë ku poetët
Çojnë shpirtin për flijim.
 
Mu kujtua koha që shkoi
O mikja ime e re
Ti je gjithçka pena s‘më shkroi
Për miken që pas le.
 
E bukur ish ajo dikur
Sa drita kish siklet.
Kur çelte sytë e saj plot nur
Më mbushte plot me jetë.
 
I ftohtë, i zverdhur, si gjethe vjeshte
Që toka po e pret.
I lumtur vdes në këto momente
Ndërsa ti fle e qetë.
 
Se unë e di, kur ti të zgjohesh
Dritë sërish do ketë
Si mik’e vjetër do mjaltohesh
E do rivij në jetë.
 
ⒸLeonard Seiti Wednesday Morning 3Am
IMG attribution to Redditor RealLiveGirl shared