Një ditë, gjithçka do të tretet...
Vetëm era do të mbetet...
Unë e dua Erën....
E ndjek unë, ajo më ndjek...
në brigje vjeshte pa lejlekë...
Unë e dua Erën...
Kur fluturoj motin ma prish...
Kur unë rrëzohem më ngre sërish...
Unë e dua Erën...
Në dritëyje e thellë në hije...
Nën tinguj qelq t'shiut që bie...
Unë e dua Erën...
Në orët e vona, në vetmi...
Mes qindra njerëz, a ndoshta mij’...
Unë e dua Erën...
Kur rrez’e dritës më përflak...
Kur drithërimë më rrjedh në gjak...
Unë e dua Erën...
Kur shpirti më duket i çalë...
E gjuha nuk më lidh dot fjalë...
Unë e dua Erën...
Kur qesh me vete si i marrë...
Para një pasqyre zemërvrarë...
Unë e dua Erën...
Në shtrat të saj kur shkon të flej’…
Në qindra ëndrra sërish e gjej…
Unë e dua Erën…
Në vetulla detesh nën qerpik…
Në udhëqumështi, Eden kozmik…
Unë e dua Erën…
Një ditë, e di, gjithçka do tretet…
Vetëm Era do të mbetet…
Unë e dua Erën…
ⒸLeonard Seiti Wednesday Morning 3Am