A je mirë?

A je mirë?

Unë vetëm gjumin s’gjej dot

dhe pse nën qerpikë ka ngrirë.

Bën vapë, ndoshta shkrin sot.

Po ti a ke vapë?

Mendimet më lagen në djersë.

I shtrydh unë, sërish, e prapë,

Çdo mbrëmje, natë a mëngjes.

Shikon ëndërra ti?

Unë renda njerën ta kapë.

M’u bë mall, m’u struk në gji

E çelës nuk gjejë që ta hapë.

Po etje, ke etje ti?

Mua drita e yjeve s’më mjafton

Se dua të dehem e pi

Prej gjirit të çastit që mungon.

Po uri, a ke uri?

Unë ha si miu, çdo ditë nga pak.

Thonë se dashuria e një burri

Më parë hedh rrënjë në stomak.

A je mirë?

Më fal se koha vrapon

Por unë s’kam gjetur ilaçin

Që plagën tënde shëron.

© Leonard Seiti