***

Është sërish mesnatë, drita ime

Që në kraharor rri ndezur e përflak

K`të errësirë trashaluqe leshpërdredhur

Prej mijëra stuhive që i sillen reth e qark.

Është sërish mesnatë, drita ime

E ti zgjuar më mban me plot bindje

Duke parë si më rrokullisen prej duarsh

Plumba të dehur që më puthin në dhimbje.

Është sërish mesnatë, drita ime

Sa të dua, s’do ta them ndonjëherë

Se kam frikë nga ëndrrat, në zgjime,

N`ato zgjime që ti qendis me pranverë.

Është sërish mesnatë, drita ime.

E rëndë më është kjo natë trashaluqe

Pata një ankth sikur po largohej jeta ime

Si një vajzë me kordele të kuqe...

© Leonard Seiti...lost in ...