Nota përmbi xham...

 
U ula të shkruaja sonte nja dy fjalë,
Si shkruan shiu përmbi xham
E pas çdo note rreshtoheshe ti
Si Solo e qeshur mbi pentagram
 
Çdo akord më çon drejt teje
Si melodi që s’ka mbarim
Si gjak shfrenuar që rrjedh ndër deje
Si këngë pranvere e shpirtit tim
 
Edhe kur pena nuk më bindet
E bojë nuk gjej të shkruaj një notë
Mjafton një tingull i zërit tënd
Të harroj gjithçka nuk shkon në botë
 
Ti je refreni që përsëritet
Në çdo varg të jetës sime
Në çdo mbrëmje kur lindin yje
Je lauresha që zgjon agime...
 
Ti je tërmeti që ma shemb qetësinë,
Vullkan shpirti që ligje s’njeh
Je marrëzia ime, je dashurisë
Që nuk njeh moshë e s’njeh atdhe
 
S’më duhen nota, as bojë mbi letër,
Kur emrin tënd kam klithmë në kraharor,
S’ka në këtë botë një tjetër, tjetër,
Që jetën ma kthen në një zjarr hyjnor!
 
© Leonard Seiti Wednesday Morning 3 AM