Sunday, April 1, 2012

Prill'i thyer


Not’e thyer e një kënge
Dejegjakosur në sy fëmije
Buz’e ngrirë e një ëndrre
Shpirt’i uritur dashurie...

Derë pahapur, erë paputhur
Rrugë pakthim, qorrësokak
Mall’i prangosur, gjirit strukur
Fjal’e pathyer që kullon gjak

Netë pagjumë, zemër paemër
Emër pavarrë që gurin kërkon
Trup lakuriq, qielli ësht’ femër
Qumësht drite prej gjirit pikon

Adam’i lindur, moll’e ndaluar
Ëndrra kufijtë s’i thyeu kurrë
Shteg’i mbyllur, parajs’e mohuar
Dhimbja nuse, altari torturë…

Stomaku i Evës prillin ma treti
Troke zhgënjimesh, kuaj pafre
Shpirtit të virgjër mëkat’i mbeti
Si gjysma e hënës që syri s’e sheh!

© Leonard Seiti

2 comments:

F. said...

Jashtezakonisht e bukur.

Leonard Seiti said...

Grazie e arta penë.